დავით მათიკაშვილი: წლების განმავლობაში ვაკვირდებით პროცესს ევროკავშირის კანდიდატ ქვეყნებში, სადაც პოლიტიკური პარტიები იკრძალება, მედიასაშუალებები იხურება და ამ პროცესს ევრო ბიუროკრატია ნათლავს დემოკრატიის წინსვლად

წლების განმავლობაში ვაკვირდებით პროცესს ევროკავშირის კანდიდატ ქვეყნებში, სადაც პოლიტიკური პარტიები იკრძალება, მედიასაშუალებები იხურება და ამ პროცესს ევრო ბიუროკრატია ნათლავს დემოკრატიის წინსვლად, - განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა.

მისივე თქმით, საქმე გვაქვს ორმაგ სტანდარტთან.

„არც ერთი მაკრიტიკებელი განცხადება ამ პროცესისა ჩვენ ევრო ბიუროკრატიიდან არ გაგვიგია, ხოლო როგორც კი საქართველოში თავდაცვისუნარიანი დემოკრატიის პრინციპიდან გამომდინარე ანტიკონსტიტუციური სახელმწიფო წეს-წყობილების წინააღმდეგ მიმართული პარტიების აკრძალვაზე წარედგინა სარჩელი საკონსტიტუციო სასამართლოს, ამხელდნენ ქართველი ხალხის, ქართული დემოკრატიის წინააღმდეგ და არაერთგზის იყო მცდელობა მოეხდინათ ამ პროცესის დისკრედიტაცია“, - აღნიშნა დავით მათიკაშვილმა.

21 ოქტომბერს, საკონსტიტუციო სასამართლოში, კონსტიტუციური სარჩელის განხილვა იწყება. პარტიების აკრძალვაზე ოპოზიცია საერთაშორისო პარტნიორების იმედზეა, თუმცა აქაც სახეზეა ორმაგი სტანდარტი. პარტიები აკრძალეს უკრაინასა და მოლდოვაში, თუმცა შეფასებები ამ მიმართულებით არ მოგვისმენია.