ზვიად შალამბერიძე: ჩვენ თავიდანვე ვაცხადებდით, რომ დაიდოს დოკუმენტი საქართველოსთვის მოლაპარაკებების გახსნაზე და იმ დღესვე მოვაწერთ ხელს. ეს პოზიცია არსად წასულა. ასოცირების ხელშეკრულებით ნაკისრი ვალდებულებების შესრულება არ შეჩერებულა. ჩვენ როცა ვამბობთ, რომ 2028 წლისთვის ამ ტრიოში ყველაზე მეტად ჩვენ უნდა ვიყოთ მომზადებული ევროკავშირში გაწევრიანებისთვის, ეს არ ყოფილა ლიტონი სიტყვები, ჩვენ ვაგრძელებთ ამ მიმართულებით სვლას

დარწმუნებული ვარ, რომ ადრე თუ გვიან, ის პოლიტიკური განცხადებები, რომელთაც ასე უხვად ვისმენთ ხოლმე, აუცილებლად შერბილებული იქნება და საქართველო-ევროკავშირის ურთიერთობა გადავა უფრო პრაგმატულ ურთიერთობაზე ისე, რომ ისინი აღიარებენ საქართველოს წინსვლას, - განაცხადა „დღის ქრონიკასთან“ ზვიად შალამბერიძემ.

„ქართული ოცნების“ წევრი აცხადებს, რომ რამდენიც არ უნდა ეცადოს ბრიუსელი, გეოგრაფიას გვერდს ვერ აუვლის და ადრე თუ გვიან საქართველოსთან საუბარი მოუწევს.

„მოვისმინეთ სხვადასხვა ქვეყნების ლიდერების განცხადებები დაკავშირებადობასთან მიმართებით, რომ საქართველოს უჭირავს სტრატეგიული ადგილი, რომელიც ყველასთვის არის მისაღები. ამის პარალელურად, ჩვენ ყოველთვის ვამბობთ, რომ ნებისმიერი გადაწყვეტილება, რომელსაც ევროკავშირის ხელმძღვანელობა და ბიუროკრატია იღებს ახლა საქართველოს მიმართ, არის დამყარებული მხოლოდ და მხოლოდ პოლიტიკაზე და ყველა გადაწყვეტილება, რომელიც მიიღეს, იყო პოლიტიკური. არცერთი არ იყო იმ პრაგმატულ ნაბიჯებზე, რომელსაც საქართველო დგამს ევროკავშირთან ასოცირების ხელშეკრულებით ნაკისრი ვალდებულების შესაბამისად. მხოლოდ პოლიტიკური გადაწყვეტილების საფუძველზე არის დღევანდელ დღეს საქართველო იქ, სადაც არის და ამ შემთხვევაში მოლდოვა და უკრაინა იქ, სადაც არიან. გეოგრაფიას ვერავინ ვერსად წაუვა.

დარწმუნებული ვარ, რომ ადრე თუ გვიან ის პოლიტიკური განცხადებები, რომელთაც ასე უხვად ვისმენთ ხოლმე, აუცილებლად შერბილდება და საქართველო-ევროკავშირის ურთიერთობა გადავა უფრო პრაგმატულ ურთიერთობაზე ისე, რომ ისინი აღიარებენ საქართველოს წინსვლას.

ჩვენ თავიდანვე ვაცხადებდით, რომ დაიდოს დოკუმენტი საქართველოსთვის მოლაპარაკებების გახსნაზე და იმ დღესვე მოვაწერთ ხელს. ეს პოზიცია არსად წასულა. ასოცირების ხელშეკრულებით ნაკისრი ვალდებულებების შესრულება არ შეჩერებულა. ჩვენ როცა ვამბობთ, რომ 2028 წლისთვის ამ ტრიოში უნდა ვიყოთ ყველაზე უფრო მეტად მომზადებული ევროკავშირში გაწევრიანებისთვის, ეს არ ყოფილა ლიტონი სიტყვები, ჩვენ ვაგრძელებთ ამ მიმართულებით სვლას“, - განაცხადა ზვიად შალამბერიძემ.