ირაკლი ზარქუა: ზუსტად 14 წლის წინ, ბატონი ბიძინა ივანიშვილის ოჯახის ლიდერობით, გაერთიანდა ერი და ბერი სააკაშვილის ტირანიის წინააღმდეგ

ზუსტად 14 წლის წინ, ბატონი ბიძინა ივანიშვილის ოჯახის ლიდერობით, გაერთიანდა ერი და ბერი სააკაშვილის ტირანიის წინააღმდეგ, - განაცხადა პარლამენტის დიასპორის კომიტეტის თავმჯდომარემ ირაკლი ზარქუამ.

მისი თქმით, პირველი ოქტომბერი ეს არის სიკეთის, ერთიანობის გამარჯვება დაქუცმაცებულ საქართველოზე, გათითოკაცებულ საზოგადოებაზე, რომელიც შექმნა სააკაშვილის რეჟიმმა.

„ზუსტად 14 წლის წინ, ბატონი ბიძინა ივანიშვილის ოჯახის ლიდერობით, გაერთიანდა ერი და ბერი სააკაშვილის ტირანიის წინააღმდეგ. იმ გამარჯვებით წერტილი დაესვა იმ წლობით არსებულ ძალადობას ქართველ ხალხზე, პატიმრებზე, ბიზნესის რეკეტს. წერტილი დაესვა ეროვნული ინტერესების შენახვას, ეკლესიისა და, ზოგადად, ჩვენი ისტორიის, კულტურის შელახვას. პირველი ოქტომბერი ეს არის სიკეთის, ერთიანობის გამარჯვება დაქუცმაცებულ საქართველოზე, გათითოკაცებულ საზოგადოებაზე, რომელიც შექმნა სააკაშვილის რეჟიმმა“, - აღნიშნა ზარქუამ.

ხელისუფლებაში „ქართული ოცნების“ მოსვლიდან დღეს 14 წელი გავიდა. 2012 წლის პირველ ოქტომბერს ჩატარებულ საპარლამენტო არჩევნებში „ქართულმა ოცნებამ“, ბიძინა ივანიშვილის ლიდერობით, ამომრჩეველთა ხმების 54.97% მოიპოვა და იმჟამინდელი მმართველი პარტია - „ერთიანი ნაციონალური მოძრაობა“ დაამარცხა.