ლევან მახაშვილი: ქართველი საზოგადოებისა და სახელმწიფოსთვის კატეგორიულად მიუღებელი და შეურაცხმყოფელია, როდესაც ვხედავთ ბრიუსელისგან იმ ადამიანების გამოქომაგებას, რომლებიც კონკრეტული სისხლის სამართლებრივი დანაშაულებისთვის იხდიან სასჯელს

ქართველი საზოგადოებისა და სახელმწიფოსთვის კატეგორიულად მიუღებელი და შეურაცხმყოფელია, როდესაც ვხედავთ ბრიუსელისგან იმ ადამიანების გამოქომაგებას, რომლებიც კონკრეტული სისხლის სამართლებრივი დანაშაულებისთვის იხდიან სასჯელს, - განუცხადა ჟურნალისტებს ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა.

მახაშვილის თქმით, საქართველოში კანონებს იღებენ კონკრეტული პრობლემების მოსაგვარებლად და რა თქმა უნდა, სრულ შესაბამისობაში საქართველოს კონსტიტუციასთან, ადამიანის უფლებათა ევროპულ კონვენციასთან.

„ქართველი საზოგადოებისა და სახელმწიფოსთვის კატეგორიულად მიუღებელი და შეურაცხმყოფელია, როდესაც ვხედავთ ბრიუსელისგან იმ ადამიანების გამოქომაგებას, რომლებიც კონკრეტული სისხლის სამართლებრივი დანაშაულებისთვის იხდიან სასჯელს საპატიმრო დაწესებულებებში.

საქართველოში კანონებს იღებენ კონკრეტული პრობლემების მოსაგვარებლად და რა თქმა უნდა, სრულ შესაბამისობაში საქართველოს კონსტიტუციასთან, ადამიანის უფლებათა ევროპულ კონვენციასთან. ჩვენ ყველას მოვუწოდებთ, განსაკუთრებით, ბრიუსელს, რომელსაც აქვს უფრო მეტი პასუხისმგებლობა ამ პროცესებზე, რომ ნაცვლად ხმამაღალი პოლიტიკური, ცარიელი სიტყვების განცხადებებისა, ნუ გაექცევიან სამართლებრივ დისკუსიებს. ჩაერთონ და წარმოადგინონ კონკრეტული სამართლებრივი არგუმენტები ამ კანონმდებლობასთან დაკავშირებით.

სახელმწიფოს არაერთხელ აქვს დადასტურებული, რომ ჩვენ ადრეც და ახლაც მზად ვართ სამართლებრივი დისკუსიებისთვის“, - აღნიშნა მან.

გაეროს ადამიანის უფლებათა საბჭოს 63-ე სესიის მესამე სხდომაზე საქართველოსთან დაკავშირებულ ადამიანის უფლებების მდგომარეობაზეც გაამახვილეს ყურადღება. მოთხოვნები უცვლელია. მათ შორის არის კანონების გაუქმება. სხდომის შემდეგ გამოქვეყნებულ განცხადებაში ნათქვამია ისიც, რომ ევროკავშირი გმობს ოპოზიციონერი ლიდერების დაკავებას.