თორნიკე ფაღავა: კაპიტანი გიგაური ნამდვილად მართალია იმაში, რომ მიხეილ სააკაშვილი ნამდვილად არ გახლავთ პოლიტიკური პატიმარი. ხოლო მეორე მხრივ, რაც მიხეილ სააკაშვილიც თავის მხრივ მართალია, რამდენადაც, „საერთაშორისო გამჭვირვალობა - საქართველო“ ქართველი ხალხის, ქართული საზოგადოებისა და სახელმწიფოს ინტერესებს არასოდეს ემსახურებოდა

ევროპასთან ინტეგრაციის საპარლამენტო კომიტეტის თავმჯდომარის მოადგილე თორნიკე ფაღავა მიხეილ სააკაშვილსა და არასამთავრობო ორგანიზაცია „საერთაშორისო გამჭვირვალობა - საქართველოს“ დაპირისპირებას აფასებს.

„ერთი მხრივ, კაპიტანი გიგაური ნამდვილად მართალია იმაში, რომ მიხეილ სააკაშვილი ნამდვილად არ გახლავთ პოლიტიკური პატიმარი. ხოლო მეორე მხრივ, რაც შეეხება მიხეილ სააკაშვილის ბრალდებას, ისიც თავის მხრივ მართალია, რამდენადაც, „საერთაშორისო გამჭვირვალობა - საქართველო“ ქართველი ხალხის, ქართული საზოგადოებისა და სახელმწიფოს ინტერესებს არასოდეს ემსახურებოდა. ის ყოველთვის ორიენტირებული იყო თავის უცხოელ პატრონებზე და დამკვეთებზე და სწორედ ამიტომ ქართული საზოგადოების ნდობა ამ მდიდარი და გაზულუქებული „ენჯეოს“ მიმართ, არის ნულოვანი“, - აღნიშნა თორნიკე ფაღავამ.

გაუგებარი და საგანგაშო - ასეთია ოპოზიციური პარტიის შეფასება „საერთაშორისო გამჭვირვალობა - საქართველოს“ მიერ მომზადებულ ანგარიშზე, სადაც მიხეილ სააკაშვილი, როგორც პარტიაში ამბობენ, პოლიტპატიმრად არ არის მოხსენიებული.