გიორგი ვოლსკი ხიდაშელზე: საქართველოს ყოფილი თავდაცვის მინისტრი მოქმედებს ტაივანის ინტერესებით. ეს რეალობაა და ის, რომ საქართველოში მოქმედებს უნივერსიტეტი, რომელიც ტერორისტებს ამზადებს, არის სიცრუე

ის, რომ საქართველოში მოქმედებს ინსტიტუტი, უნივერსიტეტი, რომელიც ტერორისტებს ამზადებს, არის სიცრუე, - განაცხადა პარლამენტის პირველმა ვიცე-სპიკერმა გიორგი ვოლსკიმ.

„საქართველოში არასამთავრობო ორგანიზაციის სახელით ფუნქციონირებს კონკრეტული ადამიანი, ყოფილი თავდაცვის მინისტრი, რომელიც მოქმედებს ტაივანის ინტერესებით. ეს რეალობაა და ის, რომ საქართველოში მოქმედებს ინსტიტუტი, უნივერსიტეტი, რომელიც ტერორისტებს ამზადებს, არის სიცრუე. აქედან გამომდინარე დასკვნები უნდა გავაკეთოთ, ვისთან გვაქვს საქმე“, - აღნიშნა ვოლსკიმ.

არასამთავრობო ორგანიზაცია „სამოქალაქო იდეის“ თავმჯდომარე თინა ხიდაშელმა თქვა, რომ „საქართველოში ტერორისტების სკოლა, ე.წ. უნივერსიტეტი ფუნქციონირებს. მმართველი გუნდის შეფასებით, ასეთი განცხადებები ახლო აღმოსავლეთში შექმნილი ვითარების ფონზე, საკუთარი ხალხის გაწირვა და ქვეყნის ღალატია.