ვის შეხვდა სუსის უფროსი აშშ-ში და რა იყო განხილვის თემა - რა ვერსიებს ასახელებენ ოპოზიციის წევრები

ვის შეხვდა სუს-ის უფროსი ამერიკის შეერთებულ შტატებში და რა იყო განხილვის თემა. საკითხი ოპოზიციის მხრიდან გააქტიურდა. ამბობენ, რომ მამუკა მდინარაძე შტატების ეროვნული დაზვერვის დირექტორს ტულსი გაბარდს შეხვდა.

„ბოლო-ბოლო დადასტურდა, რომ სუს-ის უფროსი მამუკა მდინარაძე ნამდვილად იმყოფებოდა ამერიკაში და შეხვედრია ტულსი გაბარდს. ვინც არ იცის, ტულსი გაბარდი არის დონალდ ტრამპის უახლოესი გარემოცვის წევრი და მის ადმინისტრაციაში იკავებს ეროვნული დაზვერვის დირექტორის უმაღლეს თანამდებობას. ხომ წარმოგიდგენიათ იქ რა საუბარი გაიმართებოდა“, - წერს სოციალურ ქსელში „ნაციონალური მოძრაობის“ წევრი ბესო შენგელია.

„დარწმუნებული ვარ, ეს [მდინარაძესა და ტულსი გაბარდს შორის] საუბარი შეეხებოდა მათ შორის იმას, რომ საქართველო შესაძლოა გამოყენებული იყოს რუსული ჩრდილოვანი ფლოტისთვის როგორც მომსახურე პლატფორმად“, - აცხადებს „ნაციონალური მოძრაობის“ წევრი ლაშა ფარულავა.