საქართველოს პრეზიდენტი მიხეილ ყაველაშვილი ზამთრის XXV ოლიმპიური თამაშების გახსნის ცერემონიას დაესწრო

საქართველოს პრეზიდენტი მიხეილ ყაველაშვილი მეუღლესთან, თამარ ბაგრატიონთან და თანმხლებ დელეგაციასთან ერთად, მილანის სან-სიროს ოლიმპიურ სტადიონზე ზამთრის XXV ოლიმპიური თამაშების გახსნის ცერემონიას დაესწრო.

გახსნის ცერემონიაზე საქართველოს მედროშეები ფიგურული მოციგურავეები - ლუკა ბერულავა და დიანა დევისი იყვნენ.

ოლიმპიურ თამაშებში საქართველო სპორტის ორ სახეობაში - ფიგურულ ციგურაობასა და სამთო-სათხილამურო სპორტში - რვა სპორტსმენით არის წარმოდგენილი.

მილან-კორტინას ზამთრის XXV ოლიმპიური თამაშები 22 თებერვალს დაიხურება.