თამარ კეკენაძე: ვინც რაიმე ფორმით დაკავშირებულია 4 ოქტომბრის დამხობის პროვოკაციასთან, მათი პოლიტიკური პასუხისმგებლობა უნდა დადგეს. ასევე იმ ინდივიდების, რომლებიც ე.წ. სეირის მაყურებლების როლში იყვნენ - ვგულისხმობ სალომე ზურაბიშვილს
პოლიტიკა

ფოტო: Facebook
ვინც რაიმე ფორმით დაკავშირებულია 4 ოქტომბრის დამხობის პროვოკაციასთან, ამ ადამიანების პოლიტიკური პასუხისმგებლობა უნდა დადგეს, - განაცხადა პარტია „გახარია საქართველოსთვის“ წევრმა, თამარ კეკენაძემ.
მისივე თქმით, 4 ოქტომბერთან დაკავშირებული ადამიანების პოლიტიკური პასუხისმგებლობის საკითხი უნდა დადგეს.
„არ ვიცი, ბაჩო ახალაია იყო თუ არა 4 ოქტომბრის აქციის დამხობის ორგანიზატორი. ჩვენთვის მთავარია, რომ ყველა იმ ადამიანმა, ვინც რაიმე ფორმით ხელი შეუწყო 4 ოქტომბრის ე.წ დამხობის პროვოკაციას, უპირველესად „ნაციონალური მოძრაობა“ და მასთან დაკავშირებული პარტიები თუ ინდივიდები, პასუხი აგოს. უპირველესად, ვსაუბრობ პოლიტიკურ პასუხისმგებლობაზე, ასევე ვსაუბრობ პოლიტიკურ პასუხისმგებლობაზე იმ ინდივიდებისთვის, რომლებიც ე.წ. სეირის მაყურებლების როლში იყვნენ 4 ოქტომბერს, ამ შემთხვევაში ვგულისხმობ ყოფილ პრეზიდენტს, სალომე ზურაბიშვილს.
ვინც რაიმე ფორმით დაკავშირებულია 4 ოქტომბრის დამხობის პროვოკაციასთან, ამ ადამიანების პოლიტიკური პასუხისმგებლობა უნდა დადგეს, რადგან ამ ადამიანებმა საქართველოს დაუკარგეს მშვიდობიანი პროტესტით ხელისუფლების შეცვლის მომავალი. 4 ოქტომბრის ე.წ. პროვოკაციის შედეგად საქართველოში მოქმედი მშვიდობიანი პროტესტი დისკრედიტირებულია და ძალიან დიდი ძალისხმევა გვჭირდება, რომ ქვეყნის შიგნით და გარეთ, ჩვენს პარტნიორებთან ერთად ვიმუშავოთ ქვეყანაში მშვიდობიანი პროტესტის იდეის გადასარჩენად“, - განაცხადა კეკენაძემ.




