დავით მათიკაშვილი კაპანაძის განცხადებაზე, რომ ოპოზიციაში ყველაფერი კარგად არ არის: ეს არის იმ მრუდე, დეგრადირებული დღის წესრიგის დამსახურება, რაც მათ საკუთარ ქვეყანასთან მიმართებით გააჩნიათ

ეს არის იმ მრუდე, დეგრადირებული დღის წესრიგის დამსახურება, რაც მათ საკუთარ ქვეყანასთან მიმართებით გააჩნიათ, - ასე შეაფასა „ქრონიკასთან“ საუბრისას საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა „ერთიანი ნაციონალური მოძრაობის“ პოლიტიკური საბჭოს წევრის, გიორგი კაპანაძის განცხადება, რომ „ოპოზიციაში ყველაფერი კარგად არ არის“.

დავით მათიკაშვილის თქმით, ეს არის წაგების, ფიასკოს შედეგი.

„ეს არის იმ მრუდე, დეგრადირებული დღის წესრიგის დამსახურება, რაც მათ საკუთარ ქვეყანასთან მიმართებით გააჩნიათ. როგორ სურთ რევოლუციებით ხელისუფლების ხელში ჩაგდება და რევანში. როგორ არაფრად დაგიდევენ ქვეყნის მშვიდობიანი განვითარების მოცემულობას. ეს არის წაგების, ფიასკოს შედეგი. ის გააზრება, რომ პრაქტიკულად არანაირი შანსი რადიკალებს საქართველოში არ აქვთ და უკვე ერთმანეთის მიმართ აქვთ აგრესია, რომელსაც გამოხატავენ“, - აღნიშნა დავით მათიკაშვილმა.