პარლამენტმა საქართველოს კომუნიკაციების ეროვნული კომისიის წევრად გოგა გულორდავა აირჩია

პარლამენტმა საქართველოს კომუნიკაციების ეროვნული კომისიის წევრად გოგა გულორდავას არჩევის შესახებ გადაწყვეტილება 77 ხმით, ერთხმად მიიღო, - ინფორმაციას საქართველოს პარლამენტი ავრცელებს.

უწყების ცნობით, გოგა გულორდავა საქართველოს კომუნიკაციების ეროვნული კომისიის წევრად 6 წლის ვადით აირჩიეს. პარლამენტის შესაბამისი დადგენილება 2026 წლის 26 იანვრიდან ამოქმედდება.

„საქართველოს კომუნიკაციების ეროვნული კომისიის წევრის ვაკანტურ თანამდებობაზე ასარჩევად საქართველოს პრეზიდენტის მიერ პარლამენტში წარმოდგენილი იყო გოგა გულორდავას, ვლადიმერ ტატიშვილისა და ილია მიქელაიშვილის კანდიდატურები“, - აღნიშნულია გავრცელებულ ინფორმაციაში.