რომან კაკულია: ევროპა - ერთ დროს მსოფლიო პოლიტიკის ყველაზე ძლიერი სუბიექტი დაღმავლობის გზაზეა
პოლიტიკა

რომან კაკულია
IMEDI/ვიდეოკადრი
ევროპა, ერთ დროს, მსოფლიო პოლიტიკის ყველაზე ძლიერი სუბიექტი დაღმავლობის გზაზეა, - განაცხადა გადაცემაში „იმედის კვირა“ საზოგადოებრივი მოძრაობა „პოლიტიკური არჩევანის“ დამფუძნებელმა რომან კაკულიამ.
მისი თქმით, მსოფლიო გაკვირვებულია ევროპის დღევანდელი მოქმედებებით.
„ევროპა - ერთ დროს მსოფლიო პოლიტიკის ყველაზე ძლიერი სუბიექტი დაღმავლობის გზაზეა. ამას ორი ძირითადი მიზეზი აქვს. ერთი გამოწვეულია ნატოს ცვლილებით. ნატომ, რომელმაც სამი ეტაპი გაიარა - ის იყო მართლაც თავდაცვითი ორგანიზაცია, შემდეგ მან შეიძინა მსოფლიო დომინანტის ფუნქცია და დღეს უკვე, როდესაც აშშ-თვის არსებობს სხვა პრიორიტეტები და ევრაზიის რეგიონში ნატოს ძლიერება აღარ არის ისეთივე ფუნქციის მატარებელი, როგორც იყო, ამას ეწირება ერთის მხრივ ევროპის ფუნქცია და ისინი თავის ადგილს ვერ პოულობენ.
არის მეორე კომპონენტი - ევროპის ეკონომიკური დაღმავლობა. ევროპა იყო კოლექტიური მომლაპარაკებელი და მათი ეკონომიკური ძლიერება იყო ამ კოლექტიური მომლაპარაკებლობის უკანა ფაქტორი, რომელსაც მთელი მსოფლიო ითვალისწინებდა და აქ რუსეთის ენერგორესურსებს ძალიან დიდი როლი ჰქონდა”, - განმარტავს კაკულია.
მისივე თქმით, სხვადასხვა ფაქტორის გამო ევროკავშირის ღირებულებებს საფრთხე დაემუქრა.
„ისინი არსებული ნარატივებით შეიარაღებულები, რომელიც აღარ არის რეალისტური, ამას ვეღარ უმკლავდებიან. მათი ლიდერები აღარ არიან პოპულარული ლიდერები, მათ არ აქვთ ისეთი მხარდაჭერა თავიან ქვეყნებში, რა დონის ამბიციითაც უდგებიან ევროპის პოლიტიკას და რა გამოსავლის ძიებაშიც უნდათ შეიყვანონ ევროპა. მათი მოსახლეობის უმრავლესობა ამას არ იზიარებს.
წარმოუდგენელი ხდება - ასეთი სოციალური ფონი, ეკონომიკის განვითარება, რუსული ენერგორესურსების გარეშე და ამავდროულად სამხედრო ინდუსტრიის გაძლიერება, ამავდროულად რუსოფობიის გაღვივება - ეს ყველაფერი იმდენად უსისტემო და ულოგიკო პროცესია, რომ რა თქმა უნდა, აქ უკვე თავს იჩენს მთელი რიგ ნეგატიური მოვლენები, რომლებიც ახასიათებს სისტემის დასუსტებას”, - განაცხადა რომან კაკულიამ.





