შალვა პაპუაშვილი დღეს ინდოეთის ვიცე-პრეზიდენტს შეხვდება

შალვა პაპუაშვილის ვიზიტი პარლამენტის დელეგაციასთან ერთად ნიუ დელიში გრძელდება. პარლამენტის თავმჯდომარე ვიზიტის მეორე დღეს ინდოეთის ვიცე-პრეზიდენტს შეხვდება.

განიხილავენ ქვეყნებს შორის სტრატეგიულ პარტნიორობასა და მის განვითარებას. საპარლამენტო დელეგაციის წევრები შალვა პაპუაშვილის ხელმძღვანელობით უკვე შეხვდნენ ინდოეთის პარლამენტის თავმჯდომარესა და ქვეყნის საგარეო საქმეთა მინისტრს.

ინდოეთის ხელისუფლების მხრიდან გამოითქვა საქართველოში ინდოეთის ელჩის დანიშვნის მზაობა, რისთვისაც პროცედურა უკვე მიმდინარეობს.