ლევან ნიკოლეიშვილი: არაადეკვატურობიდან გამომდინარე, თვითონ სალომე ზურაბიშვილსა და ალეკო ელისაშვილს შორის დიდ განსხვავებას ვერ ვხედავ. ეს ქალბატონი აბსოლუტურად გასულია მომსახურების ველიდან. ვერ ხვდება, სად არის

არაადეკვატურობიდან გამომდინარე, თვითონ სალომე ზურაბიშვილსა და ალეკო ელისაშვილს შორის დიდ განსხვავებას ვერ ვხედავ. ერთია, რომ შესაძლოა, სალომე ზურაბიშვილი არ შეიჭრეს რომელიღაც შენობაში, თუმცა, არც იმას გამოვრიცხავ, რომ რაღაც პერიოდის შემდეგ მანაც იგივე გააკეთოს, - განაცხადა „დღის ქრონიკაში“ „ერთიანი ნეიტრალური საქართველოს” წევრმა, ლევან ნიკოლეიშვილმა სალომე ზურაბიშვილის განცხადების შეფასებისას.

ნიკოლეიშვილის თქმით, რადიკალები გარედან მოსულ დირექტივებს ვეღარ ასრულებენ.

„არასათანადო დირექტივები მოდის, ან მოდის დირექტივები, უბრალოდ, შემსრულებლები ვეღარ ასრულებენ.

თვითონ სალომე ზურაბიშვილსა და ალეკო ელისაშვილს შორის მე დიდ განსხვავებას ვერ ვხედავ არაადეკვატურობიდან გამომდინარე. ერთია, რომ შესაძლოა, სალომე ზურაბიშვილი არ შეიჭრეს რომელიღაც შენობაში, თუმცა, არც იმას გამოვრიცხავ, რომ რაღაც პერიოდის შემდეგ მანაც იგივე გააკეთოს, მაგრამ რასაც ელისაშვილი ქმედებით ახორციელებდა, ზურაბიშვილი ამას სიტყვით აკეთებს. კიდევ ერთხელ ხაზი უნდა გავუსვათ, რომ ეს ქალბატონი აბსოლუტურად გასულია მომსახურების ველიდან. ვერ ხვდება, სად არის. როგორც იქნა, ამას წინათ აღიარა, რომ ის უკვე აღარ არის პრეზიდენტი, მაგრამ მას რომ არავითარი პოლიტიკური ძალა არ გააჩნია, მის სიტყვას კი არავითარი ფასი არ გააჩნია, სამწუხაროდ, ამას ვერ ხვდება. რა თქმა უნდა, ეს ძალიან ცუდია, რადგან გარკვეული ადამიანები მას უსმენენ და ჩვენ მისი განცხადებების შეფასება გვიწევს“, - აღნიშნა ნიკოლეიშვილმა.

სალომე ზურაბიშვილის განცხადებით, საზოგადოების დაკვეთაა, წინააღმდეგობის პლატფორმა გაიზარდოს და არ იყოს მონოპოლია პარტიების, რომლებმაც ვერ აჩვენეს, რომ მხოლოდ თვითონ შეუძლიათ, მართონ სიტუაცია.