ევროპარლამენტის მიერ გამჭვირვალობის რეგულაციების გამკაცრების პარალელურად, პეტერ ფიშერი საქართველოს აკრიტიკებს: თქვენ შეგიძლიათ გქონდეთ „გამჭვირვალობის შესახებ კანონები“, მაგრამ ამ კანონებით ევროკავშირში ვერ გაწევრიანდებით

ევროპარლამენტის მიერ გამჭვირვალობის რეგულაციების გამკაცრების პარალელურად, საქართველოში გერმანიის ელჩი ხელისუფლების მიერ მიღებულ კანონებს აკრიტიკებს, მათ შორის გამჭვირვალობის შესახებ კანონსაც.

პეტერ ფიშერი აცხადებს, რომ ამ კანონმდებლობებით საქართველო ევროკავშირის წევრი ვერ გახდება. ელჩი ოპოზიციასაც ახსენებს.

„თქვენ შეგიძლიათ გქონდეთ „უცხოური ძალის აგენტების“ და „გამჭვირვალობის შესახებ კანონები“, „გრანტების შესახებ კანონი“, მაგრამ ამ კანონებით ევროკავშირში ვერ გაწევრიანდებით. იგივე ეხება ოპოზიციონერი პოლიტიკოსების წინააღმდეგ გატარებულ ზომებს. ლიბერალურ დემოკრატიაში მთავრობას არ შეუძლია აირჩიოს ოპოზიცია, არამედ მათ უნდა იურთიერთონ არსებულ ადამიანებთან“, - აცხადებს პეტერ ფიშერი.