ირაკლი ზარქუა: ევროკავშირი ნაბიჯ-ნაბიჯ მოგვყვება და კიდევ უფრო ამკაცრებს გამჭვირვალობის კანონს. ეს ის ხალხია, რომელიც ჩვენ გვკიცხავდა აღნიშნულ კანონთან დაკავშირებით - მე მინდა მივმართო მათ, ეს კანონი ახლა არ არის რუსული?

ევროპარლამენტის გადაწყვეტილება, რომ უფრო მეტად გაამკაცროს უცხო ქვეყნის ჩარევები თავიანთ ქვეყნებში, იცით თქვენ, რომ გამჭვირვალობის კანონი შემოაქვთ კიდევ უფრო მკაცრი ტონალობით, ეს ის ხალხია, რომელიც ჩვენ გვკიცხავდა იმასთან დაკავშირებით, რომ გამჭვირვალობის კანონის მივიღეთ თავის დროზე, - განაცხადა პარლამენტის დიასპორის კომიტეტის თავმჯდომარემ, ირაკლი ზარქუამ.

ირაკლი ზარქუა კითხვით მიმართავს ევრობიუროკრატებს, რომ აქამდე თუ საქართველოს მთავრობის მიერ მიღებული გამჭვირვალობის კანონი იყო რუსული, ახლა, როდესაც იგივე კანონი, უფრო მეტად გამკაცრებული შემოაქვთ თავად, არის თუ არა ახლა ის რუსული.

„ქვეყანამ, რომელსაც არც ნატოს ქოლგა აქვს, არც ევროკავშირის წევრია, ჩვენ ვცდილობდით, რომ დაგვეცვა ჩვენი სამშობლო უცხო ჩარევებისგან და ამასთან დაკავშირებით გვაკრიტიკებდნენ, რუსული კანონიც კი დაარქვეს ამ კანონს. დღეს კი თავად ღებულობენ კიდევ უფრო მეტად გამკაცრებულ კანონს, ეს ორმაგი სტანდარტიც არ არის, ეს უნამუსობაა. უფრო მეტიც, თუ არ ვცდები, გერმანიის ელჩმა, ფიშერმა გააკეთა ამას წინათ განცხადება- თურმე საქართველოში მიღებული კანონების გამო ჩვენ ევროინტეგრაციას ვერ მოვესწრებით და რა კანონებზეა საუბარი?! - გამჭვირვალობის კანონი, რომელსაც თვითონ ღებულობენ და მეორე, ოჯახური ღირებულებების კანონი, რომელიც გულისხმობს, რომ ქალი და კაცი არის ოჯახი, რომელიც კრძალავს სქესის შეცვლას, რომელიც კრძალავს საჯარო სივრცეებში, სკოლებში, ბაღებში, ლგბტ პროპაგანდას. ფიშერს თუ დავუჯერებთ ეს კანონები უნდა გავაუქმოთ და შემდეგ მიგვიღებენ. ამათი ორმაგი სტანდარტი უკვე ყველაფერს სცდება. ამიტომ კიდევ ერთხელ ვაცხადებთ, რომ ჩვენ დიახ, როგორც ჩვენს ქვეყანას, ჩვენს ხალხს, ჩვენი სახელმწიფო ინტერესების შესაბამისი იქნება, ისეთ კანონებს მივიღებთ მომავალში და ჩვენ ვხვდებით, რომ ნაბიჯ-ნაბიჯ ევროკავშირი მოგვყვება და კიდევ უფრო ამკაცრებს კანონს, ვიდრე ის ჩვენ მივიღეთ და ახლა არ არის რუსული კანონი?! მე მინდა მივმართო მათ ის გამჭვირვალობის კანონი რუსული არ არის? რუსულ კანონს ღებულობს ევროკავშირი? ეს არის სამარცხვინო საქციელი ევრობიუროკრატებისგან.

ეს დროებითია, ევროკავშირი მიდის ცვლილებები, ყველგან ხალხის მიერ არჩეული, ჯანსაღი მთავრობები მოდის და არა უცხო ქვეყნიდან დანიშნული მმართველები და ევრობიუროკრატები. ასე რომ ცოტაც მოვითმინოთ და ზუსტად ვიცით, რომ ევროკავშირი ნამდვილად იქნება ევროპული ღირებულებების და ევროპული ოჯახების გაერთიანება“, - განაცხადა ირაკლი ზარქუამ.