22 ე.წ. ონლაინ მედიის გაერთიანება ხელოვნური პროტესტის შენარჩუნებისა და საზოგადოებრივ აზრზე ზემოქმედებისთვის და ევროპული და ბრიტანული ფონდებიდან ჩარიცხული 17.5 მილიონამდე ლარი - „იმედის კვირის“ ჟურნალისტური გამოძიება

22 ონლაინ ე.წ მედია მიმდინარე წლის აგვისტოში, ერთი ქოლგის ქვეშ გაერთიანდა. გაურკვეველი შინაარსის ტექსტით და ხელოვნური დრამატიზმით, ონლაინ გამოცემები თითქოსდა, გადარჩენისთვის, მოქალაქეებს ფულს სთხოვენ.

რატომ დასჭირდათ ონლაინ მედიებს უპრეცედენტო საერთაშორისო დაფინანსების ფონზე, რომ დახმარებას მოქალაქეებს და ემიგრანტებს სთხოვენ. 22 ონლაინ მედია გაერთიანების კამპანიის ვებ გვერდს „სინათლე მედია“ ჰქვია.

„იმედის კვირა“ ჟურნალისტურ გამოძიებაში გიამბობთ, რეალურად როგორ ფინანსდებიან და ვისი დავალებით მოქმედებენ საქართველოში ე.წ ონლაინ მედიები. რატომ იწყებენ ახალ-ახალ კამპანიებს, თითქოს, საქართველოში ვინმე მედიას დევნის. რატომ ქმნიან სხვადასხვა ანგარიშს პატრონებისგან ფულის მისაღებად, მას შემდეგ რაც გამჭვირვალობის და გრანტების შესახებ კანონები ამოქმედდა და რადიკალების დღის წესრიგის გასამაგრებლად უკონტროლო რესურსებს ვეღარ იყენებენ. როგორ შეიცვალეს დამფინანსებლები USAID-ისა და NED-ის გაუქმების შემდეგ?

„იმედის კვირამ“ მოიპოვა დოკუმენტები, გაშიფრული მასშტაბური სქემისა, თუ როგორ მოქმედებენ ონლაინ მედიები ხელოვნური პროტესტის შენარჩუნებისთვის და ამ მიზნის მისაღწევად როგორ ცდილობენ საზოგადოებრივ აზრზე ზემოქმედებას, საკუთარი ვებგვერდების, სოციალური ქსელების თუ სხვა მედიასაშუალებების გამოყენებით.

უცხო ქვეყნის სპეცსამსახურებისთვის სასურველი ფარული გავლენის კამპანიების და სხვა ფსიქოლოგიურ-საინფორმაციო ღონისძიებისთვის, „ჯიპას უნივერსიტეტის’’ ჩართულობით საქართველოში შექმნილია 800-ზე მეტი ადამიანისგან შემდგარი, ონლაინ-მედიებისა და ე.წ გამომძიებელი ჟურნალისტებისგან შემდგარი ქსელი. ისინი სპეცსამსახურების დამუშავებული გეგმის მიხედვით ფუნქციონირებენ.

მას შემდეგ, რაც ქართული „ფარა“ წარმატებით ამუშავდა, არეულობის მოსურნეებს მოუწიათ დაფინანსების ადრესატები შეეცვალათ და კანონის გვერდის ავლა ამ გზით ეცადათ. თუ კი წარსულში უცხოური ფულის დიდი ნაწილი „ენჯეოებზე“ მოდიოდა, ახლა მილიონები უნივერსიტეტებისა და ონლაინ მედიების ანგარიშებზე ნაწილდება.

არასრულ 10 თვეში ამ მედია ქსელის დასაფინანსებლად ევროპული და ბრიტანული ფონდებიდან 17 მლნ 434 381 ლარი ჩაირიცხა, ამას გარდა არსებობს ფარული დაფინანსების გზებიც.

ზემოთ ჩამოთვლილი ორგანიზაციები შეიძლება შეფასდნენ, როგორც ქსელი, რადგან შეიცავენ ყველა შესაბამის ნიშანს, გავლილი აქვთ მომზადება - მათ შორის „ჯიპაში“, აქვთ საერთო დაფინანსება, აქვთ 80 % იანი დამთხვევა ინფორმაციის შერჩევისა და მათი გაშუქების სტილში, მოქმედებენ გარე ძლების ანუ მესამე მხარის მიერ დაწერილი ერთიანი გეგმით.

საინტერესოა, რომ თავის დროზე ქსელი ISAID-ის დაფინანსებით,IREX-ის და INTERNEWS-ის მიერ შეიქმნა. USAID-ის გაუქმების შემდეგ კი მისი დონორები ევროპული ფონდები გახდნენ. „დოიჩე ველე აკადემია“, „ბი-ბი-სი მედია ექშენ“, „ინთერნეიშენალ მედია საფორთი“, პრაღის სამოქალაქო საზოგადოების ცენტრი და EED. სხვადასხვა ფონდის მეშვეობით ევროკომისია თუ ევროპული სახელმწიფოები, გერმანია, დიდი ბრიტანეთი და სხვები აფინანსებენ პროპაგანდას საქართველოში.

„იმედის კვირამ“ ამ ორგანიზაციებს მიმართა კითხვებით და სთხოვა, მოეწოდებინათ ინფორმაცია მათი ქართველი მედია პარტნიორების და დაფინანსებული პროექტების შესახებ, თუმცა პასუხი ამ დრომდე არ მიგვიღია.

საგულისხმოა, რომ წყაროს მიერ მიწოდებული და „იმედის კვირის“ მიერ შესწავლილ ფაილებში ჩანს, რომ 17 მილიონ 434 381 ლარის გარდა არსებობს ჩრდილოვანი დაფინანსების სქემაც. სწორედ ამაში გამოიყენება ფინანსური სისტემა „ვაისი“. ამ სისტემის უპირატესობაა თანხის განაღდების, ჩარიცხვის ან ბარათით გადახდის შესაძლებლობა.