დავით კაჭარავა ფეხბურთელების ბულინგზე: ეს ადამიანები არიან უბრალოდ მავნებლები, რომლებიც მოხარულები იქნებიან თუ ნებისმიერი სპორტის სახეობა იქნება წარუმატებელი საქართველოში

ეს ადამიანები არიან უბრალოდ მავნებლები, - განაცხადა საქართველოს პარლამენტის წევრმა და რაგბის კავშირის პრეზიდენტმა, დავით კაჭარავამ ეროვნული ნაკრების ფეხბურთელებზე მიმდინარე ბულინგთან დაკავშირებით. კერძოდ, სოციალურ ქსელში გიორგი მამარდაშვილის შემდეგ, გიორგი ქოჩორაშვილსაც დაესხნენ თავს.

მისი თქმით, მაშინ უნდა უგულშემატკივრო გუნდს, როდესაც რთულ პერიოდშია და ამ დროს ბულინგი უბრალოდ მავნებლობაა.

„სწორედ მაშინ უნდა უგულშემატკივრო და გვერდში დაუდგე ჩვენს გუნდს, როცა რთული პერიოდი აქვს. ეს ადამიანები არიან უბრალოდ მავნებლები, რომლებიც მოხარულები იქნებიან თუ ნებისმიერი სპორტის სახეობა, არა მხოლოდ ფეხბურთი, იქნება წარუმატებელი საქართველოში“, - განაცხადა დავით კაჭარავამ.