ფინანსები ძირითადად მოდიოდა USAID-დან და ზოგიერთი ევროპული ფონდიდან, ევროპელები კი ძალიან აჭიანურებენ პროცესს - სალომე ზურაბიშვილი რუსი პრანკერების მახეში გაება

რუსი „პრანკერები“ გადაცემა „ანტი-ფეიკში“ გამოჩნდნენ, რომელშიც განაცხადეს, რომ ამჯერად მათი მიზანი იყო გარკვეულიყვნენ რა იყო საქართველოში მიმდინარე აქციებისა და არეულობის მიზეზი. ამ მიზნით კი მათ ზურაბიშვილთან და ნანუაშვილთან გასაუბრება გადაწყვიტეს. გადაცემაში ჩანაწერის ნაწყვეტები გავიდა.

სალომე ზურაბიშვილი რუსი „პრანკერების“ მახეში გაება. ზურაბიშვილი აღიარებს, რომ უცხოეთიდან ფინანსდება და ახლა ევროპიდან თანხის გაჭიანურებაზე დარდობს. ფინანსებს ითხოვს უჩა ნანუაშვილიც.

ზურაბიშვილს და ნანუაშვილს გარი კასპაროვისა და პეტრო პოროშენკოს სახელით დაუკავშირდნენ. დიალოგი კი შემდეგნაირად წარიმართა:

სალომე ზურაბიშვილი: არის სამი ძირითადი სეგმენტი, რომელიც საჭიროებს მხარდაჭერას და რომელიც შეჩერებულია, შეწყვეტილია, ან რაიმე მსგავსი. პირველი - ეს არის მასობრივი მედია-საშუალებები, მაგრამ განსაკუთრებული აქცენტით რეგიონულ მედიაზე, ეს არიან ის მედიები, რომლებსაც ყველაზე ნაკლები ფული სჭირდებათ, რადგან მცირედი თანხითაც კი ისინი ბევრს იზამენ. მეორეს რაც შეეხება - ეს არის პროფკავშირები. მესამე სეგმენტი კი, რომელსაც მხარდაჭერა სჭირდება ეს ყველა ის არასამთავრობო ორგანიზაციებია. ფინანსები ძირითადად მოდიოდა USAID-დან და ზოგიერთი ევროპული ფონდიდან, ევროპელები კი ძალიან აჭიანურებენ პროცესს. ისინი ამბობდნენ, რომ თანხას სამთავრობო პროგრამებიდან, რომლებიც სანქციების გამო შეჩერდა, მომართავდნენ სამოქალაქო საზოგადოებისკენ, მაგრამ ეს ამ დრომდე არ მომხდარა. ასე რომ ახლა კრიტიკული მომენტი დადგა.

კითხვა: რა თქმა უნდა, თქვენ თუ მომაწვდით რომელიმე არასამთავრობო ორგანიზაციას, რომელიც თქვენთვის უფრო მოსახერხებელი იქნებოდა, ძალიან კარგი იქნება. გავესაუბრებოდი. მე ჯერ კიდევ ვცდილობ მოვახერხო რუბიოსთან შეხვედრის ორგანიზება. თქვენ გაქვთ თქვენი „ენჯეო“, რომელსაც შემიძლია მივმართო?

სალომე ზურაბიშვილი: მე მაქვს კონტაქტი ზოგიერთ არასამთავრობო ორგანიზაციასთან, რომლებსაც ჩემი აზრით, ყველაზე მეტად სჭირდებათ მხარდაჭერა. მე შემიძლია შევადგინო სია იმ „ენჯეოების“, რომლებსაც დახმარება სჭირდებათ.