სალომე ზურაბიშვილი: მოვიდეს სასახლეში ივანიშვილი და მზად ვარ დავსხდეთ, მოვიფიქროთ, როგორ უნდა დაინიშნოს არჩევნები

ახალი არჩევნების დანიშვნის რიცხვი 29 დეკემბრამდე უნდა იყოს შეთანხმებული, - ეს განცხადება სალომე ზურაბიშვილმა რუსთაველის გამზირზე მიმდინარე აქციაზე გააკეთა. როგორც მან განმარტა, მზადაა, დაჯდეს ბიძინა ივანიშვილთან ერთად და მოიფიქრონ ახალი არჩევნების თარიღი. თქვა რომ ქართული ოცნების საპატიო თავმჯდომარესთან ერთად, სასახლეში ეპატიჟება პრემიერს, პარლამენტის თავმჯდომარეს, არჩევნებში მონაწილე პარტიებსა და სადამკვირვებლო ორგანიზაციებს, რათა მილაპარაკონ როდის და როგორ უნდა დაინიშნოს ახალი არჩევნები.

მის სიტყვით გამოსვლას თან ახლდა ტექნიკური პრობლემები, ამიტომ ზურაბიშვილს მეგაფონის მეშვეობით მოუწია ლაპარაკის გაგრძელება. გამოსვლის ბოლოს თქვა, რომ ამ მიმართვის ჩანაწერს დღეს პრეზიდენტის სასახლიდან გაავრცელებს.

„მოვიდეს სასახლეში ივანიშვილი, რადგან ის მართავს ყველაფერს და მე მზად ვარ, დავსხდეთ და მოვიფიქროთ, როგორ უნდა დაინიშნოს არჩევნები, ოღონდ არჩევნების დანიშვნის რიცხვი შეთანხმებული უნდა იყოს 29-მდე“, - აღნიშნა ზურაბიშვილმა.