ევროპის საბჭოს გენერალური მდივანი საქართველოში ვიზიტს განაგრძობს

ევროპის საბჭოს გენერალური მდივანი საქართველოში ვიზიტს განაგრძობს. ალენ ბერსე შეხვედრებს დღეს ოპოზიციასა და სამოქალაქო საზოგადოებასთან გამართავს.

მანამდე კი, უკვე შედგა აუდიენციები „ქართული ოცნების“ საპატიო თავმჯდომარესთან ბიძინა ივანიშვილთან, ასევე, პრემიერ-მინისტრთან და პარლამენტის თავმჯდომარესთან. პირისპირ და გაფართოებულ შეხვედრებზე მხარეებმა ევროსაბჭოსა და საქართველოს მჭიდრო თანამშრომლობაზე, 26 ოქტომბრის არჩევნებზე, ოპოზიციის საპარლამენტო ბოიკოტსა და აქციებზე იმსჯელეს. ამასთან, განიხილეს „ქართული ოცნების“ 28 ნოემბრის გადაწყვეტილებაც.

ვიზიტის პირველი დღეს, ევროპის საბჭოს გენერალური მდივანი ესტუმრა სახალხო დამცველსაც. ალენ ბერსე შეხვდება არჩეულ პრეზიდენტს, მიხეილ ყაველაშვილსაც. ვიზიტი 21 დეკემბრამდე გასტანს.