შალვა პაპუაშვილი: ცხრა დათქმიდან არცერთი რომ არ შესრულდეს, მაინც ლიდერები ვართ, თავად ევროკომისიის შეფასებითვე, საქართველო ლიდერია ყველა პარამეტრით

ცხრა დათქმიდან არცერთი რომ არ შესრულდეს, მაინც ლიდერები ვართ. თავად ევროკომისიის შეფასებითვე, საქართველო ლიდერია ყველა პარამეტრით, საქართველო და ქართველი ხალხი იჩაგრება ასეთი უსამართლო გადაწყვეტილებებით, - ამის შესახებ საქართველოს პარლამენტის თავმჯდომარემ შალვა პაპუაშვილმა ევროპული საბჭოს განცხადების შეფასებისას აღნიშნა.

მისი თქმით, საქართველო აბსოლუტურად ყველა პარამეტრით არის ლიდერი, მაგრამ არის დაჩაგრული და ეს უსამართლობა ძალიან სამწუხაროა ევროკავშირის მხრიდან.

„ამავე დროს, ჩვენ ვნახეთ გადაწყვეტილება, რომ ბოსნია და ჰერცეგოვინასთან გაიხსნას მოლაპარაკებები. ანუ, დღეის მდგომარეობით არის გადაწყვეტილება უკრაინასთან, მოლდოვასთან და ბოსნია და ჰერცეგოვინასთან დაკავშირებით, რაც კიდევ ერთხელ აჩვენებს გადაწყვეტილების უსამართლობას. საქართველო, რომელიც ლიდერია სამივე ქვეყანასთან შედარებით, აღარაფერს ვამბობ ბოსნია და ჰერცეგოვინაზე, საქართველო აბსოლუტურად ყველა პარამეტრით არის ლიდერი და საქართველო არის დაჩაგრული, ეს უსამართლობა ძალიან სამწუხაროა ევროკავშირის მხრიდან და კიდევ ერთხელ აჩვენებს, რომ სამწუხაროდ, გადაწყვეტილებები არ არის დაფუძნებული დამსახურებაზე და იმედი მაქვს, რომ ევროკავშირი ამ წლის განმავლობაში საბოლოო ჯამში საქართველოსთან დაკავშირებით სამართლიან გადაწყვეტილებას მიიღებს.

უპირველეს ყოვლისა ხელისუფლება აკეთებს იმას, რომ ყველა ობიექტური შეფასებით, მათ შორის, ევროკომისიის შეფასებითვე საქართველო ამ სამ ქვეყანასთან - უკრაინასთან, მოლდოვასთან და ბოსნია და ჰერცეგოვინასთან შედარებითაც არის ლიდერი. ლიდერი არის უკვე ამ დათქმების გარეშეც. ამ ცხრა დათქმიდან არცერთი რომ არ შესრულდეს, მაინც ლიდერები ვართ და მიუხედავად იმისა, რომ თავად ევროკომისიის შეფასებითვე, რომ საქართველო ლიდერია ყველა პარამეტრით, საქართველო და ქართველი ხალხი იჩაგრება ასეთი უსამართლო გადაწყვეტილებებით. ეს არის სამწუხარო და უპირველეს ყოვლისა საქართველოს ხელისუფლება რასაც აკეთებს, მუშაობს იმაზე, რომ ევროკავშირი დაარწმუნოს, გადაწყვეტილებები იყოს დამსახურებაზე დაფუძნებული და სამართლიანი“, - აღნიშნა შალვა პაპუაშვილმა.