პარლამენტმა აგენტების ამერიკული კანონის პირველი ვარიანტი პირველი მოსმენით მიიღო

პარლამენტმა „ხალხის ძალის“ მიერ ინიცირებული აგენტების შესახებ ამერიკული კანონის პირველი ვარიანტი პირველი მოსმენით მიიღო. კანონპროექტს მხარი 76-მა დეპუტატმა დაუჭირა, წინააღმდეგ 13 წავიდა.

ოპოზიცია კენჭიყრის შედეგების გამოცხადებას ხმაურითა და შეძახილებით შეხვდა.

მანამდე ცვლილებები შინაარსობრივად წარადგინა საკითხის მომხსენებელმა, გურამ მაჭარაშვილმა.

კანონპროექტის განხილვა ხუთშაბათს, 9 მარტს უნდა დაწყებულიყო, თუმცა როგორც დღევანდელ პლენარულ სხდომაზე ფრაქცია „ქართული ოცნების“ თავმჯდომარემ, მამუკა მდინარაძემ განაცხადა, ოპოზიციის მოსალოდნელი ბოიკოტის გამო, უმჯობესად მიიჩნიეს, კანონპროექტის განხილვა დღეს დაეწყოთ.