თურქეთის ტერიტორიაზე საბაჟო გამშვებ პუნქტზე პროცედურები შეფერხებულია

ფინანსთა სამინისტროს შემოსავლების სამსახურის ინფორმაციით, თურქეთის ტერიტორიაზე, საბაჟო გამშვებ პუნქტში პროცედურები შეფერხებით ხორციელდება.

სპეციალურ განცხადებაში, რომელიც უწყებამ გაავრცელა წერია, რომ "სარფის საბაჟო-გამშვები პუნქტი მუშაობს შეზღუდვებისა და შეფერხებების გარეშე, 24/7 რეჟიმით. თუმცა, თურქეთის რესპუბლიკის ტერიტორიაზე, მეზობელი ქვეყნის საბაჟო-გამშვებ პუნქტში მიმდინარე სარეკონსტრუქციო-სამშენებლო სამუშაოების გამო, ორ ქვეყანას შორის მიმოსვლისას, საბაჟო პროცედურები თურქეთის მხარეს, ხორციელდება შეზღუდულ რეჟიმში, შეფერხებებით, რამაც უკანასკნელი საათების განმავლობაში გამოიწვია დიდი რაოდენობით სატრანსპორტო საშუალებისა და მგზავრების რიგის ფორმირება თურქეთის მხარეს."