ბეჟაშვილი: კეზერაშვილის მონაწილეობა ქვეყნის საზოგადოებრივ და პოლიტიკურ ცხოვრებაში შემოიფარგლება დამოუკიდებელი ტელევიზიის მხარდაჭერით

დავით კეზერაშვილის მონაწილეობა ქვეყნის საზოგადოებრივ და პოლიტიკურ ცხოვრებაში შემოიფარგლება იმ დამოუკიდებელი ტელევიზიის მხარდაჭერით, რის შესახებაც ყველამ ვიცით, – ამის შესახებ „ნაციონალური მოძრაობის“ წევრმა, ლევან ბეჟაშვილმა განაცხადა.

„ „შესაბამისად, მისი მონაწილეობა დემოკრატიის განვითარებაში და დაცვაშიც ამით შემოიფარგლება. კონკრეტული პოლიტიკური აქციების დაფინანსების მაგალითი არც არსებობს. „ანტიკორუფციული მოძრაობა“ არის არასამთავრობო ორგანიზაცია, სამოქალაქო მოძრაობა, რომელიც მიზნად ისახავს კორუფციასთან ბრძოლას. მათ მიერ გამომჟღავნებული ფაქტებით სარგებლობს ყველა - მედიაც, პოლიტიკოსებიც, არასამთავრობოებიც და ა.შ. დავით კეზერაშვილი პარტიის წევრი არ არის“, - აცხადებს ბეჟაშვილი.