ხათუნა გოგორიშვილი: საქართველოში რუსული ფაშიზმი და პუტინის სცენარი ვერ განვითარდება

პარტია „ევროპული საქართველოს“ წარმომადგენლის ხათუნა გოგორიშვილის განცხადებით, ისინი მშვიდობიან აქციას მართავენ იმის საჩვენებლად, რომ საქართველო ტოლერანტი ქვეყანაა და რუსული ფაშიზმი და პუტინის სცენარი ვერ განვითარდება. ამის შესახებ 1tv წერს.

„ევროპული საქართველოს“ ინიციატივით იმართება მშვიდობიანი აქცია იმისათვის, რომ მთელმა საქართველომ დაინახოს, ქვეყანაში გაცილებით მეტია ადამიანი, რომელიც ფიქრობს, რომ საქართველო ტოლერანტი ქვეყანაა და აქ ურაპატრიოტიზმი, რუსული ფაშიზმი და პუტინის სცენარი ვერ განვითარდება“, - განაცხადა ხათუნა გოგორიშვილმა.

ამ წუთებში, მარჯანიშვილის ქუჩისა და თამარ მეფის გამზირის კვეთაზე "ევროპული საქართველოს" ლიდერები და მათი მხარდამჭერები იკრიბებიან.

ცოტა ხნის წინ პარტიის წევრებმა განაცხადეს, რომ საქართველოს საპატრიარქოს მოწოდების მიუხედავად აღმაშენებლის გამზირზე დაანონსებულ აქციას მაინც ჩაატარებენ.