მზიურის კორტებზე ვეტერან და მოყვარულ ჩოგბურთელთა შეჯიბრი მიმდინარეობს

მზიურის საჩოგბურთო კორტებზე ვეტერან და მოყვარულ ჩოგბურთელთა შორის „ვაკის თასის“ გათამაშება მიმდინარეობს. შეჯიბრი ვაკის რაიონის გამგეობისა და ვეტერან და მოყვარულ ჩოგბურთელთა ფედერაციის ორგანიზებით ტარდება. შეჯიბრი ორ ასაკობრივ კატეგორიაში, როგორც ერთეულთა, ასევე წყვილთა თანრიგში მიმდინარეობს და ტურნირში სულ 60-მდე ვეტერანი და მოყვარული ჩოგბურთელი მონაწილეობს.

ფინალური შეხვედრები დღეს, საღამოს 7 საათზე დაიწყება.