შალვა ნათელაშვილი მამუკა ხაზარაძეზე: უნდა გაითვალისწინოს, რომ ბანკში არ არის, პოლიტიკაშია
პოლიტიკა

შალვა ნათელაშვილი
ფოტო: Facebook
ოპოზიციაში დაპირისპირება არ არის, - ამის შესახებ „ლეიბორისტული პარტიის" ლიდერმა, შალვა ნათელაშვილმა განაცხადა. მისი თქმით, ქართულმა ოპოზიციურმა სპექტრმა აჩვენა ისტორიული, უპრეცედენტო ერთიანობა, და ეს გრძელდება ამ წამებშიც, მაგრამ აზრთა სხვადასხვაობა არის.
„თემა და პრობლემა არის მტკივნეული, ისტორიული, გადასაწყვეტი, ამიტომ, ნუ გაგიკვირდებათ, რომ სხვადასხვა მოსაზრება გამოთქვან. თუმცა, არჩევნები უნდა ჩატარდეს სასწრაფოდ, რადგან ქვეყანას არ ჰყავს ორგანო, რომელიც მიიღებს გადაწყვეტილებას და ექნება ქვორუმი უმნიშვნელოვანეს საკითხებზე, არჩევნები უნდა ჩატარდეს ივნისამდე.
ხაზარაძემ უნდა გაითვალისწინოს, რომ ის ბანკში არ არის, პოლიტიკაშია და პოლიტიკურად უნდა მიუდგეს საკითხებს. 2022-ში არჩევნების გადატანა და, მით უმეტეს, ამის მოთხოვნა ნიშნავს, რომ ბიძინა ივანიშვილს ვაცხადებთ უგვირგვინო იმპერატორად“, - განაცხადა შალვა ნათელაშვილმა.
მოძრაობა „ერთიანი საქართველოსთვის“ ლიდერი „ლელოს“ ლიდერ, მამუკა ხაზარაძეს მიმართავს და გალექსილ პოსტში მას სიმხდალეში სდებს ბრალს.
მამუკა ხაზარაძემ, ერთ-ერთი ტელევიზიის ეთერით განაცხადა, რომ კარგი იქნება, თუ ვადამდელი არჩევნები 2021 წელს ჩატარდება, თუმცა, მანვე აღნიშნა, რომ ეს არარეალურია და ვადამდელი არჩევნები სრულად პროპორციული სისტემით 2022 წელს უნდა ჩატარდეს.





