ნიკა მელია პარლამენტს ტოვებს

ნიკა მელია დეპუტატის მანდატს თმობს და კენჭს თბილისის საკრებულოს თავმჯდომარის თანამდებობაზე იყრის. ამის შესახებ მელიამ განცხადება „ნაციონალური მოძრაობის“ მერობის კანდიდატის წარდგენისას გააკეთა, მიზეზად კი ის ფაქტი დაასახელა, რომ „ნაციონალური მოძრაობიდან“ ადგილობრივი თვითმმართველობის არჩევნებზე თბილისის საკრებულოს თავმჯდომარის კანდიდატი იქნება.

„ჩემო მეგობრებო, მივიღე გადაწყვეტილება, დავტოვო პარლამენტი და ვიბრძოლო თბილისის საკრებულოდან. დღეს თქვენ წინაშე ვაცხადებ ჩემი და ჩემი მეგობრების და ჩემი პოლიტიკური გაერთიანების გადაწყვეტილებას, რომ კენჭი ვიყარო თბილისის საკრებულოს თავმჯდომარეობის პოსტზე“, - განაცხადა მელიამ.