ნიკა მელიამ აქციაზე ელექტრონული ზედამხედველობის სამაჯური მოიხსნა და ხალხში გადააგდო

ჯიუტი ვარ, ცივი გონებით ბევრი ვიფიქრე და აღარ ვაპირებ ამ სამაჯურის ტარებას, ეს სამაჯური უსამართლობის სიმბოლოა და ძალადობრივია. მას აღარ შევიბამ, - განაცხადა „ნაციონალური მოძრაობის“ ერთ-ერთმა ლიდერმა, ნიკა მელიამ პარლამენტთან მიმდინარე აქციაზე და ელექტრონული ზედამხედველობის სამაჯური ხალხში გადააგდო.

„ჩვენ ამ ომში ვართ და ვიქნებით, სანამ უახლოეს დღეებში არ გავიმარჯვებთ. ახლა, უკანდახევა ღალატია და ამას ჩვენ არ გავაკეთებთ. ამ მოედანზე ყველა თაობას უბრძოლია და გაუმარჯვია. ისეთი ძლიერი ვარ, როგორც არასდროს. ზუსტად ვიცი, ვიჯდები ციხეში და ვუდგები თქვენთან ერთად ერი გაიმარჯვებს. სხვებს ვერ ვთხოვ, გამოდით და ვიბრძოლოთ მაშინ, როცა მე ვარ სამაჯურშებმული” – განაცხადა მელიამ.

ნიკა მელიას ნიკა მელიას ელექტრონული სამაჯური 2019 წლის ივლისში დაუმაგრეს.

ოპოზიციის ნაწილი პარლამენტთან აქციას მართავს. ისინი აცხადებენ, რომ არჩევნები გაყალბებულია და ერთიან სამოქმედო გეგმაზე მსჯელობენ. მათი ერთ-ერთი სცენარი არის ის, რომ ბოიკოტი გამოაცხადონ, უარი თქვან მანდატებზე და არ შევიდნენ პარლამენტში.

31 ოქტომბერს ჩატარებული არჩევნების შედეგების ეტაპობრივ განახლებას თვალი შეგიძლიათ ადევნოთ ამ ბმულზე.