მიხეილ სააკაშვილი ქართულ ოპოზიციას ერთიანობისკენ მოუწოდებს და ამბობს, რომ ამ ბრძოლის წინა ხაზზე თავად იქნება

მე არ ვაპირებ მშვიდად ვუყურო საქართველოს განადგურებას და საბოლოო მოსპობას, - ამის შესახებ საქართველოს ყოფილმა პრეზიდენტმა, მიხეილ სააკაშვილმა განაცხადა. Fcebook-ზე გავრცელებულ ვიდეოში სააკაშვილი აღნიშნავს, რომ არჩევნებში გამარჯვებისთვის ოპოზიცია უნდა გაერთიანდეს და ადგილების გაყოფის დრო არ არის.

„მე არ ვაპირებ ხელჩამოშვებულმა ვუყურო ქართული ოჯახების განადგურებას და ქვეყნიდან განდევნას. რა თქმა უნდა, მე ვარ ამ ბრძოლაში. რა თქმა უნდა, ჩვენ ვაპირებთ გამარჯვებას. ჩვენ ყველანი უნდა გავერთიანდეთ. ადგილების გაყოფის დრო არც ახლა და არც მომავალში არასოდეს დადგება. ვისაც გვინდა, რომ ჩვენს ხალხს დავეხმაროთ ყველანი უნდა დავდგეთ ერთად. მე, ყოველ შემთხვევაში, ვიქნები ამ ბრძოლის წინა ხაზზე“, - აცხადებს სააკაშვილი.

არსებული ინფორმაციით, ოპოზიციური პარტიები თბილისის ოლქებს ვერ იყოფენ და ამიტომ ტრადიციულ ფორმატში შეხვედრას არ ჩქარობენ.