საქართველოს საავტომობილო გზებზე ვიდეორადარები დამონტაჟდება

ინფრასტრუქტურის სამინისტროს ცნობით, უახლოეს თვეებში მთელი საქართველოს მასშტაბით გზებზე ვიდეორადარების სისტემის დამონტაჟების პროექტი დაიწყება. ინფორმაციას სააგენტო ipn ავრცელებს.

რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტის თავმჯდომარე გიორგი სეთურიძის განცხადებით, შესაბამის უწყებას საშუალებას მისცემს გამოვლინდნენ ის პირები, რომლებიც საგზაო მოძრაობის უსაფრთხოების წესებს არ იცავენ. 

"ჯერ კიდევ შარშან მთავრობამ მიიღო გადაწყვეტილება და ხელისუფლება უახლოეს თვეებში იწყებს უპრეცედენტო ვიდეო რადარების სისტემის დამონტაჟების პროექტს მთელი საქართველოს მასშტაბით. ეს იქნება მთელი საქართველოს მასშტაბით, მათ შორის, მუნიციპალურ გზებზე, დასახლებულ პუნქტებში, სადაც ასევე ხშირია ავტოსაგზაო შემთხვევები, ფეხით მოსიარულეთა დაზიანება და სხვა სახის დარღვევები სატრანსპორტო საშუალების მართვის დროს. ეს საშუალებას მოგვცეს, რომ გამოვლინდნენ ის პირები, რომლებიც არ იცავენ საგზაო მოძრაობის უსაფრთხოების წესებს, რასაც სამწუხაროდ, სავალალო შედეგები მოჰყვება ხოლმე," - განაცხადა სეთურიძემ.

დღეს ცნობილი გახდა, რომ მთავრობა ქუთაისი-სამტრედიის შემოვლითი ავტომაგისტრალის ნახშირღელე-დაფნარის მონაკვეთზე გზისთვის კიდევ 2 ზოლის დამატებას გეგმავს.