ახალგორიდან გადმოსულმა მიტროპოლიტმა სააღდგომო ლიტურგია ნიქოზში ჩაატარა

აღდგომის ბრწყინვალე დღესასწაული აღნიშნეს ცხინვალიდან ნახევარ კილომეტრში. ნიქოზში ღვთაების სახელობის ტაძარში სადღესასწაულო მსახურება ცხინვალისა და ნიქოზის მიტროპოლიტმა ისაიამ აღავლინა, რომელიც სააღდგომოდ გადმოვიდა ოკუპირებული რეგიონიდან, საიდანაც გამოსვლას თითქმის 2 წელი ვერ ახერხებდა. 

ტაძარში მრევლი მთელი ეპარქიიდან შეიკრიბა. ლიტანიობის შემდეგ მიტროპოლიტმა მრევლს - ქართველებსა და ოსებს ქრისტეს აღდგომა აუწყა და მიულოცა.