"ნაციონალური მოძრაობა" კონსტიტუციაში "აჭარის სტატუსის" განხილვებში ჩართვას ითხოვს

„აჭარის სტატუსის შესახებ“ კონსტიტუციურ კანონში ცვლილებების პროცესში უმაღლესი საბჭოს ოპოზიცია და ადგილობრივი არასამთავრობო სექტორი ჩართული არ არის," - ამის შესახებ აჭარაში "ნაციონალური მოძრაობის" წევრმა გია აბულაძემ განაცხადა. ის მიიჩნევს, რომ ცვლილებები მხოლოდ ფორმალური იქნება და მოითხოვს, საჯარო გახდეს "ქართული ოცნების" მხრიდან კანონის მომზადების პროცესი და გაითვალისწინონ ოპოზიციის წინადადებები.

„გავაცანით ჩვენი მოსაზრებები. სამწუხაროდ არ აპირებენ მნიშვნელოვან ცვლილებებს, რომელიც აისახება რეგიონის განვითარებასა და დემოკრატიაზე. ცვლილებები იქნება კოსმეტიკური სახის, მაგალითად, მინისტრები დაინიშნონ ცენტრალურ ხელისუფლებასთან შეთანხმების გარეშე. ეს წინადადებაც ჩვენ დავაყენეთ,"- განაცხადა აბულაძემ. მისი თქმით, "ნაციონალურ მოძრაობას" ბევრი მნიშვნელოვანი წინადადება აქვს. კერძოდ, აჭარის უმაღლესი საბჭოს არჩევნები ჩატარდეს პროპორციული სისტემით და გაუქმდეს მაჟორიტარული სისტემა.

აჭარის მთავრობისა და მინისტრთა კაბინეტის დაკომპლექტების წესი შეცვალოსა და მთავრობის თავმჯდომარის, პრეზიდენტის წარდგენის გარეშე შესაძლო არჩევის შესახებ საკონსტიტიციო კომისიაში მსჯელობენ. ინფორმაციას ajaratv.ge ავრცელებს.