გრიგოლ გეგელია: ტრამპი ამბობს, რომ მშვიდობა მიღწეული უნდა იყოს - სრულიად ვეთანხმები, ადამიანები არ უნდა იხოცებოდნენ და უნდა მივაღწიოთ ხანგრძლივ, სტაბილურ მშვიდობას

ტრამპის რიტორიკა არაფერში ემთხვევა „ქართული ოცნების“ რიტორიკას. ნებისმიერი მცდელობა, რომელიც ამბობს, რომ პრეზიდენტი ტრამპის რიტორიკა რაიმეში ემთხვევა „ქართულ ოცნებას“, არის პროპაგანდისტული ხრიკი და მეტი არაფერი, - განაცხადა კოალიცია „ძლიერი საქართველოს“ წევრმა, გრიგოლ გეგელიამ.

„პრეზიდენტი ტრამპი ამბობს, რომ მშვიდობა მიღწეული უნდა იყოს, მე მას სრულიად ვეთანხმები. რა თქმა უნდა ომი რაც შეიძლება მალე უნდა დასრულდეს, შეუძლებელია, რომ ნორმალურ ადამიანს სხვა პოზიცია გააჩნდეს. რა თქმა უნდა ადამიანები არ უნდა იხოცებოდნენ და უნდა მივაღწიოთ ხანგრძლივ, სტაბილურ მშვიდობას“, - აღნიშნა გეგელიამ.