ბრიტანეთის პარლამენტი Brexit-ის საკითხებში მეის მთავრობას უპატივცემულობაში ადანაშაულებს
მსოფლიო

ფოტო: shutterstock.com
დიდი ბრიტანეთის პარლამენტში Brexit-ის დებატების ქვეყნის პრემიერმინისტრის ტერეზა მეის მარცხით დაიწყო. ამის შესახებ სააგენტო Reuters-ი წერს.
ქვეყნის ხელისუფლებამ უმაღლესი საკანონმდებლო ორგანოსთვის Brexit-ის შესახებ არსებულ შეთანხმებაზე გენერალური პროკურორის დასკვნის დამალვა სცადა, რის შემდეგაც, თემთა პალატაში გამართულ პირველივე კენჭისყრაზე ტერეზა მეი დამარცხდა.
მინისტრთა კაბინეტის მხრიდან უმაღლესი საკანონმდებლო ორგანოს უპატივცემულობის საკითხის გამოძიებას 311-მა დეპუტატმა მხარი დაუჭირა. კენჭისყრის შემდეგ, გაერთიანებული სამეფოს თემთა პალატაში ამ დოკუმენტის სრული ვერსიის გასაჯაროება გადაწყდა.
ევროკავშირმა და დიდმა ბრიტანეთმა კონსენსუსს 25 დეკემბერს მიაღწიეს.
ოფიციალურ ლონდონსა და ბრიუსელს შორის Brexit-ის პირობების შესახებ ოფიციალური მოლაპარაკებები 2017 წლის 19 ივნისს დაიწყო. დიდი ბრიტანეთის პრემიერმინისტრმა, ტერეზა მეიმ ქვეყნის ევროკავშირიდან გასვლის პროცედურის შესახებ დოკუმენტს ხელი 2018 წლის 29 მარტს მოაწერა.
გარდამავალი პერიოდი 2019 წლის 29 მარტს დაიწყება. სწორედ ამ დღეს დატოვებს დიდი ბრიტანეთი ევროკავშირს ოფიციალურად.




