აშშ-ში ჯორჯ სოროსის სახლთან ასაფეთქებელი მოწყობილობა აღმოაჩინეს

ამერიკელი მილიარდერის, ჯორჯ სოროსის სახლთან ასაფეთქებელი ნივთიერება აღმოაჩინეს, რომელიც საფოსტო ყუთში იყო მოთავსებული. ამის შესახებ New York Times-ი სამართალადამცავი ორგანოს თანამშრომელზე დაყრდნობით წერს.

გაზეთის ცნობით, შემთხვევა ნიუ-იორკის შტატში, უესტჩესტერის ოლქში მოხდა. იმ დროს სოროსი სახლში არ იყო.

ასაფეთქებელი ნივთიერება არ ამოქმედებულა. ადგილობრივმა პოლიციამ საქმე აშშ-ის გამოძიების ფედერალურ ბიუროს გადასცა.