BBC: ნიუ-იორკში შენობის ჩამონგრევის შედეგად დაღუპულთა რაოდენობა რვამდე გაიზარდა

ნიუ-იორკში შენობის ჩამონგრევის შედეგად რვა ადამიანი დაიღუპა, სულ მცირე 17 კი დაშავდა. ინფორმაციას BBC ქალაქის მერზე, ზოჰრან მამდანიზე დაყრდნობით ავრცელებს.

მამდანიმ სოციალურ ქსელ X-ში დაწერა, რომ „ასეთი მასშტაბის დანაკარგის აღსაწერად სიტყვები არ არსებობს“.

ტელეკომპანიის ცნობით, ადგილზე სამაშველო ოპერაცია გრძელდება. სამაშველო სამსახური და ადგილობრივი ხელისუფლება მოსახლეობას მოუწოდებს, შემთხვევის ადგილს მოერიდონ და დაზარალებულებს მხარი დაუჭირონ.

ცნობისთვის, დღეს ნიუ-იორკის ბრუკლინის რაიონში, სამშენებლო მოედნის მიმდებარედ სამსართულიანი შენობა ჩამოინგრა. თავდაპირველად ვრცელდებოდა ინფორმაცია ორი დაღუპულის შესახებ.