პოლონეთის სეიმში ოპოზიციამ ბანერი წარწერით „ტუსკი დიქტატორია“ გამოფინა

ოპოზიციურმა პარტიამ „კანონი და სამართლიანობა“ პოლონეთის სეიმში პლენარული სხდომის დროს ბანერი წარწერით „ტუსკი დიქტატორია“ გამოფინა.

ბანერის ფოტო თავად ტუსკმა სოციალურ ქსელ X-ში გამოაქვეყნა.

„ისინი ცოტა ხანში სიმღერას და საათების გაყიდვასაც დაიწყებენ“, - დაწერა ტუსკმა, რომელიც თავადაც იმყოფებოდა დარბაზში.

ბანერის გაშლის დროს დარბაზში სიტყვით ევროპარლამენტის პრეზიდენტი რობერტა მეცოლა გამოდიოდა, თუმცა მას მომხდარზე კომენტარი არ გაუკეთებია.

ცნობისათვის, პოლონეთის პრემიერ-მინისტრსა და პრეზიდენტს კაროლ ნავროცკის შორის საკონსტიტუციო სასამართლოს კრიზისის გამო პოლიტიკური დაპირისპირება უკვე ერთი კვირაა გრძელდება.