მარკ რუტეს განცხადებით, ევროპამ წელს რუსეთისგან იმაზე მეტი თხევადი აირი შეიძინა, ვიდრე აშშ-რუსეთის დიზელის გარიგებით არის გათვალისწინებული - „არც ევროპაა წმინდანი“

ნატოს გენერალური მდივნის განცხადებით, ევროპამ მიმდინარე წელს რუსეთისგან იმაზე მეტი თხევადი ბუნებრივი აირი შეიძინა, ვიდრე აშშ-რუსეთის დიზელის გარიგებით არის გათვალისწინებული.

რუტემ აღნიშნული განცხადება ნიდერლანდურ თოქშოუში Pauw & De Wit-ში გააკეთა.

კითხვაზე, რას ფიქრობდა ის აშშ-ის პრეზიდენტის დონალდ ტრამპის ბოლო შეთანხმებაზე რუსეთის პრეზიდენტთან ვლადიმერ პუტინთან, რომლის მიხედვითაც რუსეთი აშშ-ს დიზელის საწვავით მოამარაგებს, რუტემ აღიარა, რომ შეთანხმების გამოცხადებას ევროპელ მოკავშირეებში „პანიკა“ მოჰყვა.

„მესმის მათი, მეც გაკვირვებული დავრჩი“, - განაცხადა მან, თუმცა დასძინა, რომ ევროპამ წელს რუსეთისგან დიდი რაოდენობით თხევადი ბუნებრივი აირიც შეიძინა - „გაცილებით მეტი, ვიდრე ამ დიზელის შეთანხმებით ოდესმე მიიღებს! არც ევროპაა წმინდანი“.