ალის ვაიდელი უკრაინაში ჯარისკაცების სავარაუდო წამებაზე: მოველი, რომ ფედერალური მთავრობა დღეს ბერლინში ზელენსკის ვიზიტის ფარგლებში ამ საკითხს დააყენებს

ოპოზიციური პარტია „ალტერნატივა გერმანიისთვის“ ლიდერი ალის ვაიდელი კიევის ოლქში მდებარე სოფელ პეტროპავლოვსკაია ბორშჩაგოვკაში განვითარებულ მოვლენებს ეხმაურება და იმედს გამოთქვამს, რომ გერმანიის მთავრობა უკრაინულ მხარესთან ამ საკითხს დააყენებს.

როგორც ვაიდელმა სოციალურ ქსელ X-ში დაწერა, დღეს ბერლინში უკრაინის პრეზიდენტს ვოლოდიმირ ზელენსკის ელოდებიან. მას იმედი აქვს, რომ გერმანიის მთავრობა ზელენსკისთან შეხვედრაზე აღნიშნული საკითხით დაინტერესდება.

„მოველი, რომ ფედერალური მთავრობა დღეს ბერლინში ზელენსკის ვიზიტის ფარგლებში ამ საკითხს დააყენებს“, - დაწერა ვაიდელმა.

ცნობისათვის, გუშინ უკრაინულ მედიაში გავრცელდა ინფორმაცია, რომ კიევთან ახლოს მდებარე სოფელ პეტროპავლოვსკაია ბორშჩაგოვკაში, ერთ-ერთ კერძო სახლში უკანონოდ დატყვევებული უკრაინელი სამხედრო მოსამსახურეები იმყოფებოდნენ. საქმე ეხება დაახლოებით 40 სამხედროს. ინფორმაციის გავრცელების შემდეგ სახლთან სამხედროების ოჯახის წევრები შეიკრიბნენ. მიტინგი გვიან ღამემდე გაგრძელდა. ადგილზე იყო მისული უკრაინის ეროვნული გვარდიის სარდალი ალექსანდრე პივნენკო.