Politico: უკრაინისთვის ახალი კრედიტის გამოყოფის განხილვა ევროკავშირში უთანხმოებას გააღრმავებს

Politico წერს, რომ უკრაინისთვის 45 მილიარდი ევროს კრედიტის გამოყოფის საკითხის განხილვა ევროკავშირის წევრ სახელმწიფოებს შორის უთანხმოებას გააღრმავებს. სესხი, რომელიც ევროკავშირის ბიუჯეტით იქნება გარანტირებული, 2027 წლისთვის კიევის ფინანსური საჭიროებების დაკმაყოფილების მთავარ მექანიზმად ივარაუდება. პაკეტი ვოლოდიმირ ზელენსკის მიერ მოთხოვნილი 70 მილიარდი ევროს დაახლოებით ორ მესამედს შეადგენს.

ჩეხეთი და სლოვაკეთი სესხის პროექტში მონაწილეობაზე უარს ამბობენ. ბელგია ეწინააღმდეგება რუსული გაყინული აქტივების გამოყენებას. ევროკავშირი საჭირო თანხის მოძიების პროცესშია.