ვუჩიჩმა ვადამდელ არჩევნებში მარცხი აღიარა

სერბეთის ყოფილმა პრეზიდენტმა ალექსანდარ ვუჩიჩმა 25 ოქტომბერს გამართულ ვადამდელ საპარლამენტო არჩევნებში მარცხი აღიარა.

„ჯერ კიდევ არ გვაქვს საბოლოო შედეგები, მაგრამ ცხადია, რომ ეს არჩევნები წავაგეთ. „სტუდენტურმა სიამ“ გაიმარჯვა: მათ 135-დან 140-მდე ადგილი ექნებათ, ჩვენ კი 105“, - განაცხადა ვუჩიჩმა სერბული პროგრესული პარტიის შტაბში გამოსვლისას.

25 ოქტომბერს სერბეთში ვადამდელი საპარლამენტო არჩევნები ჩატარდა. ქვეყნის ყოფილმა პრეზიდენტი ალექსანდარ ვუჩიჩი, რომელიც სექტემბრის ბოლოს გადადგა, გამარჯვების შემთხვევაში პრემიერ-მინისტრის პოსტის დაკავებას გეგმავდა. მის მთავარ მეტოქეს მოძრაობა „სტუდენტური სია - სტუდენტები იმარჯვებენ“ წარმოადგენდა, რომელიც ფორმალურად სულ რაღაც ერთ თვეზე მეტია, რაც შეიქმნა, თუმცა პრაქტიკულად ქვეყანაში ჯერ კიდევ 2024 წლიდან დაწყებული პროტესტიდან ჩამოყალიბდა.