Le Figaro: საფრანგეთის მთავრობა ამზადებს განკარგულებას, რომელიც აქციების დროს ძარცვაში მონაწილე ადამიანებს სოციალურ დახმარებას შეუზღუდავს

საფრანგეთის მთავრობა ამზადებს განკარგულებას, რომლის საფუძველზეც, არეულობაში მონაწილე ადამიანებს სოციალური დახმარება შეეზღუდებათ. ინფორმაციას Le Figaro ავრცელებს.

საფრანგეთის საბინაო პოლიტიკის მინისტრმა ვენსან ჟანბრენმა დაადასტურა, რომ იუსტიციის მინისტრთან, ჟერალდ დარმანენთან ერთად ხელს მოაწერს განკარგულებას, რომელიც სახელმწიფოს საშუალებას მისცემს შეუზღუდოს სოციალური დახმარება იმ ადამიანებს, რომლებიც 17 ოქტომბერს არეულობაში დადასტურებულად მონაწილეობდნენ.

დოკუმენტის მიხედვით, დარბევის დროს მოპარული ქონების გაყიდვით მიღებული შემოსავალი გამოაკლდება მიღებულ შემწეობებს.

როგორც Le Figaro წერს, ეს ეხება უმუშევართა შემწეობას, საცხოვრებლის ქირის დახმარებას, ოჯახის შემწეობას, ასევე დახმარების პროგრამას, რომელიც უზრუნველყოფს მინიმალურ შემოსავალს იმ ადამიანებისთვის, რომლებსაც საერთოდ არ აქვთ შემოსავალი ან აქვთ ძალიან დაბალი ანაზღაურება.