დონალდ ტრამპი: ის, რაც ახლა საფრანგეთში ხდება, იმიგრაციას უკავშირდება. პრეზიდენტ მაკრონს წლების წინ ვუთხარი, რომ საზღვრები ჩაეკეტა, თორემ ქვეყანას დაღუპავდა, მათ ქვეყანა მართლაც დაღუპეს

აშშ-ის პრეზიდენტი დონალდ ტრამპი საფრანგეთს საზღვრების ჩაკეტვისკენ კიდევ ერთხელ მოუწოდებს. ის ქვეყანაში განვითარებულ მოვლენებს მიგრაციის პრობლემას უკავშირებს.

ტრამპის განცხადებით, საფრანგეთის პრეზიდენტ ემანუელ მაკრონთან პირველი შეხვედრისას მას უთხრა, რომ საზღვრები უნდა ჩაეკეტა, წინააღმდეგ შემთხვევაში ქვეყანა დაიღუპებოდა. ტრამპის თქმით, საფრანგეთმა ეს გაფრთხილება არ გაითვალისწინა და ქვეყანა მძიმე მდგომარეობამდე მივიდა.

„ის, რაც ახლა საფრანგეთში ხდება, იმიგრაციას უკავშირდება და არა სკოლებს ან სხვა რამეს. პრეზიდენტ მაკრონს წლების წინ ვუთხარი, რომ საზღვრები ჩაეკეტა. მათ ქვეყანაში შეუშვეს ადამიანები, რომლებსაც ეს ქვეყანა არ უყვართ. არ უყვართ მათი შენობები და ხელოვნებაც კი. მაკრონს პირველი შეხვედრისას ვუთხარი: „საზღვრები უნდა ჩაკეტო, თორემ ქვეყანას დაღუპავ. მათ ქვეყანა მართლაც დაღუპეს. ახლა ქვეყნის აღდგენა რთული იქნება, მაგრამ იმედი მაქვს, საფრანგეთი კვლავ აღდგება. იგივე ეხება იტალიას და ევროპის სხვა ქვეყნებსაც“, - აცხადებს ტრამპი.