კაია კალასი: ევროპა უკრაინისთვის Starlink-ს ვერ ჩაანაცვლებს

ევროკავშირს არ აქვს იმის შესაძლებლობა, რომ ახლო პერსპექტივაში უკრაინისთვის Starlink-ი ახალი თანამგზავრული კავშირით ჩაანაცვლოს, განაცხადა ევროკავშირის უმაღლესმა წარმომადგენელმა კაია კალასმა.

„დიახ, Starlink-ი უკრაინისთვის საჭიროა და სამწუხაროდ, მოკლევადიან პერსპექტივაში ევროპას ამ შესაძლებლობის ჩანაცვლება არ შეუძლია“, - განაცხადა კალასმა.

მისი თქმით, დღეს ევროპული საბჭოს სამიტის ფარგლებში აღნიშნულ საკითხს, წევრი სახელმწიფოების წარმომადგენლები განიხილავენ.