ქალაქ ნიცის მერი: ვანდალების მშობლებმა უნდა გადაიხადონ ლიცეუმებისთვის მიყენებული ზიანის აღდგენის ხარჯები - თუ ისინი სარგებლობენ სოციალური დახმარებებით ან მუნიციპალური საცხოვრებლით, ეს შეღავათები უნდა შეუწყდეთ და ჩამოერთვათ

ქალაქ ნიცის მერი, ერიკ სიოტი საფრანგეთის მასშტაბით ლიცეუმებთან მიმდინარე არეულობებსა და ვანდალიზმის ფაქტებს ეხმაურება და დამნაშავეთა მიმართ მკაცრი ზომების მიღებას ითხოვს.

სიოტის განცხადებით, სკოლებისა და ლიცეუმებისთვის მიყენებული ზარალის ანაზღაურება ვანდალი მოზარდების მშობლებს უნდა დაეკისროთ.

„კანონდამრღვევთა მშობლებმა უნდა გადაიხადონ ლიცეუმებისთვის მიყენებული ზიანის აღდგენის ხარჯები. თუ ისინი სარგებლობენ სოციალური დახმარებებით ან მუნიციპალური საცხოვრებლით, ეს შეღავათები უნდა შეუწყდეთ და ჩამოერთვათ. გადასახადების გადამხდელი არ არის ვალდებული, ეს ზარალი დააფაროს!“ - აცხადებს სიოტი.

ამასთანავე, პოლიტიკოსი ყურადღებას ამახვილებს ძალადობის ორგანიზატორებსა და იდეოლოგიურ ლიდერებზეც: „ულტრამემარცხენე „გურუები“, რომლებიც ამ ძალადობის უკან დგანან, აბსოლუტური სიასტიკითა და სიმკაცრით უნდა იყვნენ გასამართლებულნი“.

TWITTER POST

საფრანგეთში მოსწავლეთა საპროტესტო აქციები გაფართოვდა და ქვეყნის მასშტაბით 356 სკოლა მოიცვა. რამდენიმე მსხვილ ქალაქში აქციები პოლიციასთან შეტაკებებში გადაიზარდა. უფროსკლასელები სკოლებში სასწავლო პირობებს, გადატვირთულ კლასებსა და პედაგოგების ნაკლებობას აპროტესტებენ.