რუსეთის უსაფრთხოების სამსახურის ინფორმაციით, მოსკოვში დააკავეს მამაკაცი, რომელიც უკრაინის სპეცსამსახურების დავალებით ბრიტანეთის ელჩის წინააღმდეგ ტერაქტს გეგმავდა

რუსეთის უსაფრთხოების ფედერალური სამსახური ირწმუნება, რომ უკრაინის სპეცსამსახურები მოსკოვში ბრიტანეთის ელჩის წინააღმდეგ ტერაქტს გეგმავდნენ. ინფორმაციას რუსული მედია ავრცელებს.

უწყების განცხადებით, პროვოკაციის მიზანი გაერთიანებული სამეფოს რუსეთის წინააღმდეგ ომში ჩართვა იყო. საქმის ფარგლებში უსაფრთხოების სამსახურმა დააკავა რუსეთის მოქალაქე, რომელიც დიპლომატიური მისიის დაცვის სამსახურში მუშაობდა.

FSB-ს მტკიცებით, დაკავებული საელჩოს თანამშრომლების შესახებ ინფორმაციას აგროვებდა და დიპლომატიური წარმომადგენლობის უსაფრთხოების სისტემას სწავლობდა.