Financial Times: ტრამპის რეიტინგი რეკორდულად დაბალ ნიშნულამდე დაეცა

აშშ-ის პრეზიდენტის, დონალდ ტრამპის მოწონების რეიტინგი რეკორდულად დაბალ ნიშნულამდე დაეცა, - აჩვენა Focaldata-სა და Financial Times-ის გამოკითხვამ. მათი ცნობით, აშშ-ის კონგრესის შუალედურ არჩევნებამდე 2 თვით ადრე, პრეზიდენტის საქმიანობას რეგისტრირებული ამომრჩევლის მხოლოდ 33% იწონებს.

ეს აგვისტოს მონაცემებზე 3 პროცენტული პუნქტით ნაკლებია და ყველაზე დაბალი მაჩვენებელია მაისში ასეთი გამოკითხვების დაწყების შემდეგ.

მხარდაჭერის შემცირება დაფიქსირდა თეთრი სახლის ხელმძღვანელის თანაპარტიელებშიც. ახლა ტრამპის საქმიანობას რესპუბლიკელი ამომრჩევლის 72% იწონებს, რაც ​ FT-ის გამოკითხვაში ასევე ახალი მინიმუმია.

გამოცემა განმარტავს, რომ ამომრჩევლები უკმაყოფილოები არიან ეკონომიკის მდგომარეობითა და ცხოვრების ღირებულებით. აშშ-ში დიზელის საწვავის ფასმა, რომელიც ქვეყნის მრეწველობისა და სოფლის მეურნეობისთვის ძირითადს წარმოადგენს, ისტორიულ პიკს მიაღწია და გალონზე (3.78 ლიტრი) 5.85 დოლარი შეადგინა.