დიდი ბრიტანეთი უკრაინას შორ მანძილზე მოქმედი რაკეტების ტექნოლოგიებს გადასცემს

ლონდონი კიევს შორ მანძილზე მოქმედი რაკეტების ტექნოლოგიებს გადასცემს უკრაინაში მათი აწყობისთვის. ევროპულ თავდაცვის კომპანია MBDA-ს ნება დაერთვება, უკრაინას გაუზიაროს საიდუმლო მონაცემები ბრიტანული Storm Shadow-ს ფრანგული ვერსიის​ - SCALP-ის კომპონენტების შესახებ. ინფორმაცია დიდი ბრიტანეთის პრემიერ-მინისტრის ოფისმა უკრაინის დამოუკიდებლობის დღესთან დაკავშირებით ენდი ბერნემის კიევში ვიზიტამდე გაავრცელა.

მათივე ცნობით, კიევი და პარიზი გეგმავენ, უკრაინის ტერიტორიაზე ასეთი შორი მანძილის რაკეტების წარმოების საამწყობო ხაზები გახსნან.

ბერნემი კიევში 24 აგვისტოს დილას ჩავიდა. მოსალოდნელია, რომ პრემიერ-მინისტრის რანგში თავისი პირველი უცხოური ვიზიტის ფარგლებში, ის „მსურველთა კოალიციის“ შეხვედრას ჩაატარებს, რომელიც რუსეთის აგრესიისგან უკრაინის დაცვის დასახმარებლად შეიქმნა.

2024 წლის ნოემბერში გავრცელდა ინფორმაცია, რომ უკრაინის შეიარაღებულმა ძალებმა რუსეთის ტერიტორიაზე დარტყმები ბრიტანული Storm Shadow/SCALP-ის რაკეტებით პირველად განახორციელეს. ამავდროულად აღინიშნებოდა, რომ უკრაინამ ბრიტანული რაკეტები მცირე მასშტაბით გამოიყენა, მათ მხოლოდ შეზღუდული ზიანი მიაყენეს და ომის მსვლელობაზე შესამჩნევი გავლენა არ მოუხდენიათ. Storm Shadow-ს ბრიტანული მარაგები შეზღუდულია, ერთი რაკეტის ღირებულება 750 000 ფუნტ სტერლინგზე მეტია (877 000 ევრო), მათი მოქმედების რადიუსი კი დაახლოებით 240 კილომეტრს შეადგენს.